पोलीस...खाकी वर्दीतले जादूगार!
सकाळीच वर्दी घालून ,स्वतःला आरशात बघून
किती खुश होतो ............!
कमिशनर सरांसमोर गेल्यावर अभिमानाने छाती फुलवून 'येस सर ' म्हणून सलाम करतो......
खांद्यावरचे 'स्टार्स ' बघून आपल्या शौर्यकथांत रमतो...
दिवसभरातली गडबड ,तपास,केसेस.....खबरी....
लहान मुलांसोबत खेळताना सारं काही विसरतो....!
जेवता जेवता जरी कधी आला फोन तरी लगेच ड्युटीवर जातो...
नेहमी कर्तव्यदक्ष असतो ....
'सद्रक्षणाय खलनिग्रहणाय'चा मंत्र सतत जपत असतो ......झपाटल्यासारखा..........
घरची कुरबूर असते थोडी .........वेळ देत नाही म्हणून .........तरीही सतत हसू फुलवत असतो.....
सणवार....होळी. ...दिवाळी. .......
घरापेक्षा चौकीवरच साजरी होते......
ड्युटी करता करता सुट्टी कुठल्याकुठे जाते.....
ह्यांचे खरे सण तर 15 ऑगस्ट आणि 26 जानेवारीच
असतात... ...........त्या दिवशी संचलनात शक्तीप्रदर्शन
करताना ह्यांची मनं देशासाठी जोरजोरात धडधडतात..........
आपल्या सन्मान होताना त्याचा ऊर भरून येतो.....
गुन्हेगारांसाठी तर तो हिटलर असतो.......!
सतत आपल्या लोकांच्या सुरक्षित आयुष्यासाठी
जीव ओवाळून टाकत असतो............
कधी ट्रॅफिक हवालदार, कधी काॅन्स्टेबल ,कधी
कमिशनर वेगवेगळ्या पदांवर कसा निर्भिड जबाबदारी पार पाडत असतो. ................
अनेक आव्हानांना हातावर घेऊन सहज जगत असतो........
तरीही तो प्रत्येकाचा खरा मित्र असतो.....
रूबाबदार करड्या नजरेत त्याच्या शौर्य झळकत सोन्यासारखं.......
माहिती नाही कुठे सापडेल हे निधड्या छातीच मन ......पोलीसासारखं......
प्रसिद्धीपासून तो दूर अन् कर्तव्याला करत नाही कसूर....
देशासाठी. ...लोकहितासाठी प्रामाणिकपणे आपलं
आयुष्य समर्पित करतो ...........
खरच कशीही परिस्थिती असो .........आपलं 'पोलिस असणं ' तो किती सहज तरीही आदर्श होऊन जगतो .... ...
सर्व पोलीस बंधूभगिनिंना सलाम 🙏🙏🙏...
कुणाल विजय ठाकरे.
